महिला व बालकल्याण विभाग हा समाजातील महिला आणि बालकांच्या सर्वांगीण प्रगतीसाठी समर्पित असा प्रमुख विभाग आहे. महिलांच्या संरक्षण, आरोग्य, पोषण, शिक्षण आणि सक्षमीकरणासाठी विविध योजना व उपक्रम राबवून त्यांना सुरक्षित, स्वावलंबी आणि सक्षम जीवन जगण्यास विभाग मदत करतो. गर्भवती व स्तनदा माता, लहान बाळे, किशोरी मुली आणि गरजू महिलांसाठी विशेष पोषण कार्यक्रम, आरोग्य जागरूकता मोहिमा आणि सहाय्य सेवा उपलब्ध करून त्यांचे जीवनमान उंचावण्याचे काम सातत्याने केले जाते. समाजात महिलांविषयी सकारात्मक दृष्टीकोन निर्माण करणे आणि त्यांना विकासाच्या मुख्य प्रवाहात आणणे हे विभागाचे प्रमुख उद्दिष्ट आहे.